Surrenderee gitug-an ang lokasyon sa arms cache sa NPA

Davao City- Pinaagi sa tabang sa kanhi rebeldeng ni-surrender natultulan sa kasundalohan ug kapulisan ang arms cache sa mga sakop sa New People’s Army.

Sa interbyu sa DXDC RMN Davao kang LT Marisa Aviles, Civil Military Operations (CMO) Officer sa 66th Infantry Batallion, gitudlo ni Ka Wen-wen ang lokasyon sa gilubngan sa mga high powered firearms sa Mamada, Sitio Libuton, Brgy. Andap, New Bataan, Davao De Oro.

Gibutyag ni Aviles, nilusad sila’g joint operation sa maong area human sa inpormasyon nga ilang nadawat sa kanhi NPA.

“Sa on going intervention nagkaroon ng revelation na mayroon pang naitago na firearms doon sa Sitio Libuton, Brgy. Andap, New Bataan po,” sumala niini.

Narecover sa mga awtoridad ang tulo ka mga AK47 rifles, usa ka M16 rifle, 1 ka M203 Grenade Launcher, ug duha ka mga magazines.

Sumala sa 10th Infantry Division Philippine Army, sukad Enero 1, 2022 anaa na sa 191 ka armas, 172 niini high-powered, 19 ang low-powered ang narekober.

Sa 191 firearms, 123 ang narekober sa gikasang combat operations samtang 68 ang gipang-surrender.

RadyoMaN Aimee Guinita