General Santos City—Gisaysay ni Richel Estender, nagtrabaho isip maintenance sa South Green marketing nga nahimutang sa sentrong bahin sa Padada Davao Del Sur, kansa nahugno human sa 6.9 magnitude nga linog kagahapong adlawa ang iyang nasinatian atol sa pagtay-og.
Matud niini nga samtang sila anaa sa sunod sa 4 storey building nga gambalay, kalit matud pa kining mitay-og, wala matud pa siya nakagawas gilayong tungod siya anaa sa taas nga bahin.
Natabunan pa siya sa mga nahugno nga parti sa gambalay apan iya gyud gipaningkamutang makagawas usab ang usa pa nila ka kaubanan sa trabaho.
Dugang pagbutyag ni Estender nga 24 sa mga kaubanan nila ang luwas nga nakagawas sa nahugnong gambalay.
nasayran nga wala kaayoy daghang tawo sulod sa South Green Marketing niadtong tungura tungod alas 4:00 pa sa hapon sagad mudagsa ang mga tawo sa lugar aron nga mamalit.
Nasayran usab nga tuig 1989 ngadto na sa tuig 1990 gitukod ang nahugnong gambalay.
