Davao City – Gikasohan na sa San Police Station kagahapong adlawa ang suspect nga giilang si alias “Mar”, 16 anyos, kinsa maoy midunggab patay sa 12 anyos nga si alias “Romel”, nahitabo sa Purok 9, Lower Madapo, Brgy. 8-A, Davao City, niadtong Marso 9, 2024.
Sa interview sa DXDC RMN Davao kang Police Major Marvin Hugos, Station Commander San Pedro Police Station gisulti niya, kasong murder ang napasaka batok sa suspetsado.
Segun ni Hugos, subay sa gihimong imbestigasyon sa kapulisan, away ang usa sa gilantaw nga motibo sa pagdunggab sa biktima.
Samtang hustisya usab ang singgit sa kabanay ug naglaum sila nga madakpan ang laing walo pa ka mga suspetsado.
RadyoMaN Don Pulayao
Facebook Comments
