General Santos City—Mag-atubang ug patong patong nga kaso ang usa ka lalaking midunggab patay sa iyang kapuyo ug laing duha pa ka mga biktima ilawom sa area of responsibility sa Police Station 3.
Kasong murder in relation sa R.A 9262 (Violation Against Women And Children Law) ug Frustrated Murder ang suspetsado nga si Arnel Marquez, legal age, nga taga Barangay Tinagacan ning syudad human niyang gidunggab patay ang live in partner niini nga si Lyka Solivio ug duha pa ka minor de edad nga silang alias karing ug jenny alas 7.00 ang takna niadtong milabay nga gabie sa Ardonia Street, Brgy Lagao Gensan.
Sumala pa ni PCI Peter Pinalgan Jr., ang labaw sa Police Station 3 nga sa ilahang nahimong imbistigasyon selos ang nag unang motibo sa suspect nganong iyang nahimo ang pagpatay sa iyang kapuyo.
Sa kasamtangan gi andam na sa imbitigador sa Police Station 3 ang kaso batok sa suspect ug karong adlawa posible kini nga ma pasang-at ngadto sa piskalya. (Dave Silagan)
