General Santos City—Gina-andam na sa Police Station 6 ang kasong murder batok sa suspetsado nga midungab patay sa usa ka 15 anyos nga si alyas Bonding nga nanimuyo sa Prk.1 Pearly Shell, Barangay Bula Gensan.
Sumala pa ni Police Chief Inspector Donald Cabigas, hepe sa Police Station 6 nga sa karon ginapaabot nalang nila ang witness nga nakakita sa maong panghitabo aron nga masapinal ang iyahang affidavit ug mapasakaan ug kaso ang suspect.
Dugang pag butyag ni PCI Cabigas nga kauban ra sa biktima nga miyembro sa Children In Conflict With The Law (CICL) ang midungab kaniya niadtong milabay nga adlaw.
Gikan matud pa sa inum ang biktima ug ang suspect ug sa dihang mihigda na sa ginatulugan niini sa may Purok Pearly Shell kalit lang kining gidungab sa nasangpit nga suspek.
Dugang pagbutyag ni PCI Cabigas nga involve matud pa sa kasong pagpangawat, pagpamato ug rumble ang nasangpit nga biktima diha sa palengke. (Dave Silagan)
