General Santos City–Gikumperma karon ni PSI Abdulsalam Mamalinta Chief Of Police sa Police Station 1 nga anaa na sa ilang kustudiya ang suspect nga si Mark Ceasar Aranas, legal age nga nanimuyo sa barangay tinagakan ning syudad human nga makagawas kini sa balay tambalanan human ang pipila ka simana nga pag pabilin niini sa Ospital.
Si Arana sang nakapusil sa usa ka police nga sakop sa Police Station 1 samtang napusilan usab kini sa kapulisan.
Sumala pa ni PSI Mamalinta nga human gihatagan ug clearance sa mga doctor sa Dr. Jorge Royeca Hospital ang suspect gilayon nila kining gisulod sa ilang selda ug didto naman usab kini padayong mag paalim sa iyahang samad nga naangkon human nga misukol kini sa mga pulis nga nagpahigayon ug operasyon.
Samtang nakagawas naman usab sa hospital si PO3 Planas kansa napusilan sa suspek niadtong milabay nga simana human ang pipila usab ka simana nga pagtinir sa balay tambalanan.
Apan gipaklaro ni PSI Mamalinta nga dili pa mamahimong makaduty ang nasangpit nga pulis tungod kay anaa pa sa tulo ngadto sa unom ka bulan ayha maayo ang samad niini.
Gidayig man usab ni Mamalinta ang kaisog nga gipakita sa iyang sakop pinaagi sa maong operasyon. (Dave Silagan)
