General Santos City—Pormal nang napasakaan ug kasong pagsupak sa R.A 10591 (comprehensive law on fire arms and ammunition) ang suspetsadong si George Amora, 40, residenti sa Aparente St. Barangay City Heights, Gensan.
Una nang nasikop ang suspek niadtong nakalabayng adlaw sa tropa sa Mobile Patrol Unit (MPU) human nga nagdala-dala ug pusil nga walay lesensya samtang kini sakay sa iyang motorsiklo.
Una nang gisita sa kapulisan ang suspek human nga nagmaniho sa iyang motorsiklo nga walay sul-ob nga helmet. Dihang gikapkapan, nakuha sa iyang posisyon ang dili lisensyadong pusil.
Kagahapong adlawa gipasang-at na sa Police Station 1 sa pagpanguna ni Police Chief Inspector Jovenson Bayona ang kaso batok sa suspek sa sala ni Prosecutor II Jerome Biatisola.
Sa karon gipaabot nalang sa Police Station 1 ang commitment order gikan sa korte aron nga mabalhin na sa Gensan City Reformatory Center ang suspect.(Dave Silagan)
