General Santos City–Gipaabot nalang karon sa Police Station 3 ang commitment order gikan sa korte batok sa usa ka Junard Almonte, 33 anyos nga nanimuyo sa Koronadal City human nga masikop kini sa gipahigayon nga operasyon sa Police Station 3 ug Pagadian City Police Office tungod sa duha ka warrant of arrest nga gi-atubang niini nga pagsupak sa RA 9262 nga gi-issue ni Hon Judge Jose Blanza Jr. ug frustrated murder nga gipakanaug man usab ni Hon Judge Renato Tampac.
Sumala pa ni Police Lieutenant Felix Minion ang Deputy Chief Of Police sa Police Station 3 nga ang suspect ang nagtaguan sa Pagadiaan human nga gidungab niini ang iyahang kanhing ka live-in 16 kahigayon tungod kay giduhadan niya kini nga aduna nay lain nga uyab.
Dugang pa ni Police Lt. Minion nga ang suspect ang top 3 most wanted sa area sa Police Station 3 ug nasikop tungod usab sa tabang sa concern citizen nga naka sumbong sa kapulisan nga sa maong lugar lang nagtaguan ang suspect hinungdan nga gilayong gi-operasyonan.
