General Santos City–Gawas sa kaso nga pagsupak sa paghupot ug gina-dili nga droga aduna usay involvement sa uban pang mga krimen sa syudad sama sa carnapping ug pag pangawat ang suspect nga napatay sa gipahigayong operasyon sa kapulisan nga si Poge Mislay, 21 anyos nga nanimuyo sa Prk. 4, block 1 Barangay Labangal, Gensan.
Sumala pa ni Police Major Tirsu Pascual ang hepe sa Police Station 6 nga ang nasangpit nga suspect ang gipakanaugan matud pa ug warrant of arrest sa sala ni Hon. Judge Oscar Noel Jr. sa RTC Br. 35 sa pag supak sa RA 9165 hinungdan nga ilahang gilusad ang operasyon alas 10:30 sa gabie sa pinuy-anan sa nahisgutang suspect apan sa dihang nakita niini ang mga pulis gilayon matud pa kining mibunlot sa iyahang armas ug nag pabuto.
Tungod sa maong panghitabo midepensa matud pa ang kapulisan sa ilahang kaugalingon ug mibalus ug pabuto nga miresulta sa pagkaigo sa target. Gilayon kining gidala sa ospital apan gideklara kining dead on arrival.
Dugang pa ni Pascual nga anaa usab sa matrix sa highway patrol group ang nahisgutang suspect hinungdan nga gi-tap usab nila ang nasangpit nga unit sa maong operasyon inubanan sa Police Station 2.
Kaubanan usab sa suspect sa ilang grupo ang suspetsadong una nang napatay sa operasyon sa kapulisan nga si Alyas Ethan sa Prk. Palen, Barangay Labangal niadtong milabay nga simana human nga misukol sa kapulisan.(Dave Silagan)
