General santos City–Padayon ang ginahimong imbistigasyon karon sa Police Station 3 aron nga mailhan ang mga suspect nga mipusil sa duha ka mga ahente sa usa ka investment scheme nga nagaoperate sa syudad nga silang Aga Abay-abay nga nanimuyo sa Barangay Bula ug Raymond Banggis nga taga Davao City kansa gipusil alas 8:00 ang takna sa gabie, atubangan sa ilang boarding houase sa may Agan-Ligaya, Gensan.
Sumala pa ni Police Major Benhur Catcatan ang hepe sa Police Station 3 nga sa ilahang nahimong pagsuta sa balay sa mga nahisgutang biktima nakakita sila ug mga resibo gikan sa mga investor sa Money Tree Trading Incorporation kung diin ilaha pang ginasuta kung asa nag gikan ang maong investment scheme.
Dugang pa ni Catcatan nga gina-ila pa usab nila ang mga pangalan sa mga investor sa mga biktima aron nga sutaon kung aduna bay nadawat nga bahad ang mga nahisgutan ayha pa nahitabo ang pagpamusil.
Samtang gikumperma usab ni Major Catcatan nga anaa palang sa tulo ka simanang nag-abang sa maong lugar ang mga biktima.
Samtang wala na release nga pay out sa investment scheme ang usa sa mga anggulo nga ginatan-aw karon sa kapulisan nga motibo sa pagpamusil sa mga nahisgutan.
Kung kahinumduman nga ang tindog lang ang duha gawas sa ilahang gi-abangan nga balay sa dihang gihunungan kini sa mga suspect nga nakasakay ug motor ug gipamusil.(Dave Silagan)
