Nadakpan sa mga otoridad ang usa ka 22 anyos nga babaye kinsa nalambigit sa online trafficking didto sa Barobo, Surigao del Sur.
Ang mga operatiba sa Women and Children Protection Center – Mindanao Field Unit (WCPC-MFU) maoy nakaluwas usab sa usa ka 13 anyos, 15 anyos ug 4 ka tuig nga anak niining babaye gikan sa ilang panimalay sa maong dapit.
Gikatahung manghud sa suspek ang mga biktimang 13 ug 15 anyos nga mga babaye diin nagtanyag ang suspek alang sa livestream nga pag-abuso sa mga biktima.
Ang maong opoerasyon nakabasi sa search warrant gikan sa korte nga giisyu ni Hon. Judge Retrina Fuentes sa Davao city, Regional Trial Court Branch 10 aron makuha ang mga electronic device isip ebidensya sa pagpasaka ug kaso’ng onlie sexual exploitation sa korte batok sa suspek. Nagsugod ang imbistigasyon niadto pa’ng buwan sa Pebrero ning tuiga dihang nakadawat ug impormasyon ang WCPC-MFU kalabot sa illegal nga binuhatan sa suspetsado.
Sa gihimung online surveillance sa mga otoridad, nasayran sa mga imbistigador nga nagtanyag ang suspek ang abusohon ang iyang mga igsoon bugti ang kantidad sa kwarta gikan sa mga online predators.
Gikustodiya na karon sa Department of Social Welfare and Development (DSWD) ang mga biktima samtang kasong paglapas sa RA 9208 as amended sa by RA 10364 kon Anti-Trafficking in Persons Act.
Kauban sa maong operasyon ang Surigao del Sure Police Provincial Office, Barobo Municipal Police Station, Regional Anti-Cybercrime Unit (RACU) 10 ug 13, DSWD 13, Regional Inter-Agency Council Against Trafficking 13, Non Government Organization nga International Justice Mission. [image: trafficking.jpg] See Translation <www.facebook.com/RMNDXBCBUTUAN/#>
