Nailhan na sa kwerpo sa kapulisan ang mga suspetsado nga midunggab patay sa usa ka 17 anyos nga biktima nga nahitabo bandang alas 2:30 ang takna sa kaadlawon sa nakalaba’yng adlaw particular sa Puregold Langihan, doul lamang sa Police Station 2.
Giila ni P/Capt. Emmerson Alipit, spokesman sa Butuan City Police Office (BCPO) ang mga suspek sa dunggab nga sila si Dexter Perez; Erwin Malas, “alyas OJ/Plong”; John Michale Madelo, “alyas Bontiloy”; Russel Cane ug usa ka Alyas Tawe.
Tulo sa maong mga suspek ang residenti sa Brgy. Holy Redeemer ug usa ang residenti usab sa Brgy. Port Poyohon sakop ning dakbayan sa Butuan.
Giadtoan na sa Police Station 2 ang panimalay sa mga suspek apan hangtud karon wala pa niuli sa ilang mga panimalay mao’ng nanawagan ang kapulisan ngadto sa publiko nga isumbong sa ilang buhatan kung makit-an ang gitudlo nga mga suspetsado.
Midepensa ang PNP sa batikos kung nganong nahitabo ang dunggab taliwala nga doul pa sa Police Station 2 ang lugar.
Gipasabot ni P/Capt. Alipit nga nagpahigayon ug mobile patrol ang PNP ug nagpatuman ug Oplan Bakal Sita ug Curfew Hour apan tungod kay daghan ang “transient” lamang mao’ng wala magdahum ang kapulisan nga adunay dautang motibo ang grupo sa mga batan-on.
sa iyang pamahayag sa interview sa RMN DXBC Butuan.
Madumduman nga sa maong insidenti nakabsan sa kinabuhi si Joseph Pamat, 17 anyos, Grade 11 student sa Agusan National High School ug residenti sa Brgy. Obrero ning syudad sa Butuan, dihang gidunggab kini sa mga suspetsado sa walay igung rason.
[image: langihan stab.jpg]
