Boluntaryong nisurrender mga alas 10 karong buntag ang usa ka miyembro sa Moro National Liberation Front o MNLF nga gitudlong suspect nga mipusil patay sa usa ka panday sa Upper Puerto ning syudad kaganihang kadlawon.
Nisurrender ang 41 anyos nga suspect nga si Devie Moralde sa tabang sa dxCC-RMN Cagayan de Oro nga maoy kauban sa misis ug mga anak sa pagtultol sa suspect.
Si Moralde nakita sa dxCC-RMN sa Maramag, Bukidnon human nangayo og tabang kang Datu Didilusan J. Arroyo ang Chairman sa MNLF Bukidnon Highlander Station Revolutionary Committee.
Nasa kamot na karon sa mga pulis sa Puerto Police Station ang suspect.
Mahinumduman nga gipusil patay kaganihang kadlawon ang panday nga si Ruben Bacalso nga taga Alae, Monolo Fortich, Bukidnon.
Facebook Comments
