General Santos City–Gi-andam na sa Police Station 3 ang kasong pag supak sa RA 9165, sec. 11 kon paghupot ug iligal nga droga batok sa usa ka Jimboy Pilapil, 20 anyos nga nanimuyo sa Prk 2, Brgy Sto Niño, Samal, Davao Del Norte human nga nakuhaan kini ug iligal nga droga sa iyang posisyon sa dihang nasikop kini sa kapulisan nga nanguot ug pitaka sa usa ka babae nga pasahero ra usab sa bus pa dulong ug Davao.
Sumala pa ni Police Major Joel Martinez ang Chief Of Police sa Police Station 3 nga ala 1:00 ang takna sa hapon nahidangat matud pa sa ilahang estasyon ang usa ka shaworsmie Mahomok Pagalan human nga nakuotan kini ug pitaka sa kauban niini nga pasahero sa bus hinungdan nga gi-lock sa bus ang ilahang pultahan aron dili ka dagan ang suspect.
Gilayon man nga miresponde ang napulisan diin nakuha matud pa sa iyahang posisyon ang pitaka nga gipanag-iyahan sa biktima ug nakita man usab sa bag niini ang usa ka sachet sa droga.
Samtang sa pag suta usab sa Police Station 3 migula nga ang nahisgutang suspect ang usa sa mga gidudahan sa Tupi Municipal Police Station nga maoy responsable sa pagpangransack sa ilahang lugar hinungdan nga nakig alayon ang station 3 sa Tupi.
Ug sa tactical interrogation matud pa nga gibuhat sa mga personahe sa Tupi MPS gi-angkon sa suspect nga siya ug ang lain pang kauban ang nagapangransack sa lungsod sa Tupi.(Dave Silagan)
