Suspect sa paglugos sa duha ka babaye, gipasakaan na og kaso

Gipasakaan na og kasong robbery with 3 counts of rape ang usa ka 25 anyos nga lalaking suspek sa pagpangawat ug pagpanglugos sa duha ka mga babaye sa Zone 2, Barangay Agusan ning syudad.

 

Kini ang gikumpirma ni SPO3 Albert Hermoso, Detainee Officer sa Puerto Police Station sa interview sa dxCC-RMN.

 

Matud ni SPO3 Hermoso nga gihulat na lamang nila kagahapon ang resolusyon gikan sa piskalya kalabot sa kasong gipasaka sa kapulisan batok sa suspek na si Roberto Hermita Jr., ulitawo, miyembro sa BM 29 gang ug taga Barangay Gusa ning dakbayan.


 

Gidugang ni SPO3 Hermoso nga si Hermita napriso sulod sa lima ka tuig human nakuhaan sa kutsilyo ug nakagawas sa prisohan niadtong Disyembre 14 ning tuiga apan subling gisikop niadtong Disyembre 16 human gireklamo sa pagpangawat ug pagpanglugos.

Facebook Comments