Dili na mohimo sa pagselyo sa buka sa armas ang kapolisan sa Northern Mindanao karong holiday season.
Kini ang gi-anunsyo ni Northern Mindanao Regional Director Police Chief Superintendent Timoteo Pacleb.
Matud sa opisyal nga dili na kinahanglang silyohan ang mga armas sa polis kay napamatud-an sa nakalabayng duha ka tuig nga zero incident sa indiscriminate firing ug stray bullet related cases.
Samtang, nagpahinumdom usab si Police Regional Office Spokesperson Surki Serenas sa tanang mga licensed gun owners nga mahimong responsable sa paggamit sa ilang mga armas.
Angay matud pang saulogon ang kapaskuhan ug ang bag-ong tuig nga malinawon ug dili na kinahanglang gamiton ang ilang mga armas sa pagpabuto aron malikayan ang bisan unsang insidente.
Facebook Comments
