General Santos City–Malampusong nasikop sa mga personahe sa Police Station 5 sa ilahang gipahigayon nga buy-bust operation ang usa ka Jerry Cabalan, 29 anyos nga nanimuyo Barangay Tambler ning syudad human nga namaligya matud pa kini ug usa ka sachet sa gikatahapang shabu.
Sumala pa ni Police Major Richard Ybañez ang hepe Police Station 5 nga bag-ohay lang nakagawas sa Gensan City Jail ang nahisgutang suspect gumikan gihapon sa pagpamaligya ug iligal nga droga niadtong bulan sa Nobyembre, tuig 2019.
Dugang pa ni Ybañez nga ang nahisgutang suspect ang responsible usab sa pag pamusil sa usa ka 16 anyus nga dalagita sa Barangay Tambler niadtong milbay nga bulan kung asa gikuha niini ang cellphone sa biktima.
Ang suspek usab ang gitudlo sa duha ka 14 anyos nga daligita nga maoy reponsable sa pagpanion ug armas ug pagpakita sa iyahang kinatawo samtang nagbantay ug tindahan ang mga biktima.
Giangkon usab sa suspect nga naga-panglabni kini ug cellphone sa area sa Police Staton 5 kung asa gamit matud pa niini ang motor sa iyang igsuon.
Samtang nanawagan usab si Major Ybañez sa mga nabiktima ug holdup ug snatching sa ilahang area nga mamahimong mahidangat sa ilahang buhatan aron nga sutaon kung ang suspek maoy nangbiktima kanila.
Gawas sa kasong pagsupak sa RA 9165 kon pagpamaligya ug iligal nga droga gi-andam na usab karon sa kapulisan ang dugang kasong frustrated murder, acts of lasciviousness ug robbery batok sa suspect nga nag tingkagol sa silda sa police station 5. (Dave Silagan)
