General Santos City–Gikumperma ni Police Chief Inspector Peter Pinalgan Jr. ang hepe sa Police Station 3 nga wala gayud sa iyang saktong panghuna-huna ang suspetsado sa pagpanglungkab sa usa ka bodega sa Barangay Lagao nga si Rodel Pendatun, 39 anyos, usa ka harvester nga residenti sa barangay Spring, Alabel, Sarangani Province kini subay na usab sa pag butyag sa mga kabanay sa suspect.
Sumala sa opisyal nga ayha nahitabo ang pagsulod sa suspect sa Remar Enterprises gireklamo pa kini sa usa ka babaye tungod kay aduna matud pa kini gibuhat sulod sa dr. Jorge P. Royeca Hospital ug natingala nalang sila nga na-involve na usab kini sa laing insidente.
Kung kahinumduman nga misulod sa bodega sa Remar Enterprises ang nasangpit nga suspect aron nga mangawat matud pa ug kopras apan nakit-an sa gwardya nga si Jose Bural Crucillo hinungdan nga gisikop apan misukol matud pa kini hinungdan nga napusilan gamit ang shotgun nga maoy hinungdan sa iyahang kamatayon.
Samtang migula usab sa imbistigasyon sa kapulisan nga nag-inusara nga misulod ang nasangpit sa maong lugar ug wala nay laing kauban aron nga mangawat ug kopras.
