1K mahimong 1,600.
Kini ang sinugdanan sa kasong Estafa nga gi-atobang ni Antonette Pacana Sestosa, 21 anyos nga taga Barangay Kauswagan kinsa mi-surrender sa National Bureau of Investigation kon NBI tungod sa reklamo sa kapin 100 ka mga tawo sa online money scam.
Matud ni NBI Regional Director Patricio Bernales nga sa hapon niadtong Lunes si Sestosa ila nang gipasakaan sa kasong Staffa pinaagi sa Inquest Proceedings sa City Prosecutor’s Office.
“Naghulat na lang ta sa resolution sa City Prosecutor” matud ni Bernales.
Si Sestosa nga na-detain sa NBI Regional Office, mi-ingon nga wala na siya mangayog Preliminary Investigation sa City Prosecutor.
Kay matud ni Sestosa nga walay iyang intension nga tayopi-on ang mga investors.
Matud ni Sestosa, nga ang iyang on line Business, nagsugod niadtong December 2018, pina-agi sa iyang pag-post sa face book.
“Gi-post nako sa FB nga 1K turn to 1,600 within 20y days” matud ni sestosa.
Matud ni Sestosa nga tungod sa iyang gi-post sa FB ang iyang mga FB Friends, personal nga nagkigkita kaniya sa iyang stall sa Ukay-Ukay sa Divisoria ug nag-invest.
Usa sa iyang FB friend, iyang gi-ila nga si Donnie Pagaspas nga lakip sa nag-invest.
“Ang paagi ani, Pay in, Pay out lang, pananglitan, ang unang batch nag pay in, naa na poy second nga mag-pay-in, kadtong ilang gi-invest, ma-o na pud to ang akong i-pay out sa ubang batch.” matud ni Sestosa.
Gibutyag ni Sestosa nga ang nakada-ot sa iyang dungog ang mga nag-invest ni Donnie Pagaspas.
Matud ni Sestosa nga wala na siya masayod gi-unsa ni Pagaspas ang iyang mga down line ug nag-reklamo ug nadalahig ang iyang ngalan.
Gibutyag ni Sestosa nga ang iyang intention sa iyang pag-post sa face book ang pagtabang sa mga tawo ug walay iyang intension nga magpa dato.
“Mas maayo pa kadtong akong gitabangan kay nakapalit na sila ug sakyanan samtang ako wala” matud ni Sestosa.
Matud ni Sestosa nga ang iyang nadawat gikan sa iyang mga investors, pulos in kind.
“Na-ay bag nga ilang gihatag sa ako, na-ay cellphone, silbing ilang pasalamat sa ako nga mitubo ang ilang kuwarta pero walay cash nga akong ginansiya kay ang kuwarta nga ilang gi-pay in mao ra man sad tong akong gi-pay out so walay akong ginansiya” matud ni Sestosa.
Matud ni Sestosa nga iyang tubagon sa insakto ang iyang gi-atubang nga kaso kay nabiktima lang siya sa iyang FB Friend nga si Donnie Pagaspas ug sa iyang pamilya nga maoy nadato sa iyang nakopya nga idea sa FB.
“Kanang Pay in-Pay out nga concept, ako ra pud na nga na-copy sa facebook” matud ni Sestosa.
