General Santos City–Pormal nang napasakaan ug kasong pagsupak sa RA 9995 kon Anti Photo And Video Voyeurism Act Of 2009, Grave Coercion In Relation to RA 10175 kon Cyber Crime Prevention Act 0f 2012 sa mga personahe sa Regional Anti Cyber Crime Unit-12 ang suspetsado nga si Dan Amerson Matsura, 23 anyos nga nanimuyo sa Kalamansig Sultan Kudarat human nga masikop kini sa gipahigayon nga entrapment operation sa kapulisan.
Sumala pa ni Police Chief Master Sergeant Jun Calamba ang operastion Staff sa RACU 12 nga niadtong milabay nga adlaw nag patabang matud pa ngadtyo sa ilang buhatan ang usa ka 19 anyos nga babae human nga na hack matud pa ang mga pribado nga picture sa iyahag facebook ug gibaharan matud pa siya sa suspect nga ipakatag ang maong mga picture ug galing dili kini makigkita kaniya aron nga makig hilawas.
Gilayong gipalano sa kapulisan ang operasyon kung diin na atol matud pa nga anaa sa syudad ang suspect tungod kay anaa kiniy giadtuan.
Gisabot matud pa sa biktima ang suspect nga makigkita sa usa ka lodging house aron nga ihatag ang iyahang gusto ug madelete ang mga picture niini kung diin nagkasinabot nga magkita sila sa Jeds lodge nga nahimutang sa Camachili St. Brgy Dadiangas East, ala 1:30 ang takna sa hapon.
Human nga naka sulod sa kwarto ang bitima ug mihatag na kini ug signal ngadto sa kapulisan gilayon usab nila nga gisulod ang kwarto sa lodging house kung asa nasikop ang suspect ug nakuha kaniya ang mga cellphone isip ebidensya.
Nag tingkagol ang suspect karon sa selda sa Police Station 1 samtang gipaabot nalang ang commitment order niini aron nga mabalhin sa Lanton Reformatory Center.
Gisuwan sa pag kuha sa RMN News Team, ang panid sa suspect apan nag dumili na kini nga motubag sa aligasyon batok kaniya.(dave Silagan)
