Davao City – Nagpadayon ang gihimong imbestigasyon karon sa City Health Office sa gisuspetsahang kaso sa meningococcemia diin usa ka 4-anyos nga bata ang matud pa ang namatay sulod sa usa ka pribadong ospital sa Davao City.
Sa pakighinabi sa RMN Davao kang CHO Technical Division head Dra. Julinda Acosta, giingon niini nga hugot nilang ginatutukan ang maong imbestigasyon.
“Ang City Epidemiologic and Surveillance Unit Team ngayon ay nag-conduct ng investigation doon sa suspected case. We the City Health Office is conducting the investigation and we closely follow-up it,” sumala ni Acosta.
Gibutyag ni Acosta nga gihulat pa gihapon ang resulta sa confirmatory tests subay sa gipadalang blood samples gikan sa maong pasyente.
Gipainom usab og prophylaxis kadtong duna close contact sa pasyente.
“Meningococcemia is not an airborne transmission – it’s droplets, so iyong direct contact lang sa suspected case iyon magta-take ng prophylaxis like family members,” matud niini.
Panawagan sa CHO sa publiko nga dili maalarma, mag-panic ug likayan ang pagpakatag og dili beripikadong impormasyon diha sa social media.
Sumala ni Acosta nga adunay usa ka kumpirmadong kaso sa meningococcemia sa dakbayan niadtong nakalabayng tuig ug buhi usab ang pasyente.
RadyoMaN Aimee Guinita
