Davao City – Gilimod sa usa ka lalaki nga siya ang ang mibuhat sa gituohang gilugos-patay nga 16 anyos sa Prk. 10 Libby Road, Bago Gallera, Talomo District Davao City kagabii.
Sa pakighinabi sa DXDC RMN Davao sa giila sa kapulisan nga matud pa suspek sa maong krimen nga si James Narte, 35 anyos, ug residente sa nasangpit nga lugar diin hinaut niya nga mugawas ang kamatuoran sa maong panghitabo ug magpakita na usab ang tinuod nga suspek.
Samtang iyang giangkon nga aduna siyay gibira nga kamot sa babae niadtong adlawng Domingo tungod sa iyang kahubog kinsa ang biktima nagpatala sa Talomo PNP apan gilimod sa suspek nga giaksyonan kini niya og lugos.
Matud ni Narte nga siya karon ang gipasanginlan sa nahitabong krimen kagabii tungod sa pagpatala sa usa ka babae nga alegasyong gilugos niini niadtong miaging semana.
Una ng gikumpirma sa hepe sa Talomo PNP nga si PCI Ronald Lao atol sa interview sa DXDC RMN Davao nga nakita sa otoridad ang towel nga gipanag-iyahan sa suspek sa crime scene ug aduna usab nakatudlo nga si Narte ang mihimo sa maong krimen.
Kahinumduman nga nakaplagan ang patayng lawas sa 16 anyos nga babae sa nasangpit nga lugar kagabii human nga gipangita sa iyang pamilya diin matud pa gikan lang nagpaload ang dalagita aron makatext sa iyang amahan.
RadyoMaN Renz Barbarona
