Walo ka pamilya ang naapektuhan sa nahitabong sunog mga alas otso karong buntag sa Zone 5, Barra, Opol, Misamis Oriental.
Kini ang gikumpirma ni Kapitan Jun Otacan sa interview sa dxCC-RMN.
Matud ni Kapitan Otacan nga tulo ka balay ang totally damaged diin samaran sa insedente ang 19 anyos nga si Deter Uba human nasunog ang likod nga bahin.
Gidugang ni Kapitan Otacan nga duna matud pay nagluto ug nabiyaan nga maoy gitan-aw nga hinungdan sa sunog.
Giatiman na sa barangay ang mga biktima ug gikasubo ni kapitan ang maong insedente ilabina kay karon ang bisperas sa kapistahan sa ilang barangay.
Samtang, gibana-banang mokabat sa 75-mil pesos ang damyos sa maong sunog.
Facebook Comments
