General Santos City–Anaa na karon sa Kustudiya sa Maitum PNP ang suspek sa pagpatay sa biktimang si Mary Joy Taka, 16 anyos, usa ka estudyante ug lumulupyo sa barangay Zion, Maitum Sarangani Province kansa gipatay niadtong petsa 15 sa Marso didto sa hilit nga dapit sa Barangay Batian, sa maong lungsod.
Una nang nasikop ang suspetsadong si Jolito Sambiling, 31, nga taga sitio Kalalang Maitum.
Sumala ni Police Chief Inspector Rodel Javison, Hepe sa Maitum PNP nadakpan ang suspek sa may Sitio Yata Barangay Tuanadato human nga misumbong ang usa ka Joy Lubon, ig-agaw sa suspek nga ang nasangpit ang mipatay sa biktima.
Gibutyag usab ni PCI Javison nga base sa sumbong sa witness, petsa 16 human nahimo sa suspek ang krimen gihapitan siya niini ug giawhag nga moadto sa barangay Ned, Lake Sebu aron sa pagsuroy-suroy.
Niuban usab si Lobon apan samtang sila padulong na sa Barangay Ned, natingala siya nganong dili buot sa suspek nga muagi sa highway inay sa mga hilit nga dalan ug sa kasapaan sila nangagi mao nga nagduda ang nasampit nga aduna kini dautang nahimo.
Didto na dayon nabalitaan sa testigo nga adunay nakaplagang lawas sa usa ka dalaga sa hilit nga lugar sa Barangay Batian. Didto na nadungagan ang pagduda nga ang iyang ig-agaw maoy responsabli sa krimen.
