General Santos City–Gikumpirma ni Police Lieutenant Colonel Rey Egos ang Chief Of Police sa Koronadal PNP nga pormal na nilang napasakaan ug kasong robbery with homicide ang suspek nga si Isaac Solyista, hamtong ang pangidaron, nga nanimuyo sa Brgy.Topland , Koronadal human nilang nasikop sa operasyon kansa maoy gituohang mipatay sa biktimang si Sherlyn Cahapay, asawa sa usa ka brgy.kagawad nga si Glen Cahapay sa nasampit nga lugar
Pagpaklaro usab ni Egos nga dili pa nila matumbok kung unsa ang motibo sa suspek sa pagpatay niini sa biktima gumikan kay dili na pwede mapangutana ang suspek basta ang importante nailhan ang nasampit basi sa ilang imbestigasyon ug nasikop
Kahibaloan nga una nang nakit-an ang biktima sulod sa iyang panimalay nga wala nay kinabuhi niadtong adlawng Lunes sa Brgy.Topland, Koronadal City nga dunay samad binunalan ug botelya sa duha niini ka mga mata
Sa kasamtangan nagtingkagol sa selda sa koronadal PNP ang suspetsado. (Reynald Timario)
