Sarangani Province—Dako ang pagtuo ni Police Major Jojet Nicolas, Hepe sa Malapatan, Municipal Police Station nga giplanuhan nang daan ang pagpatay sa mag-uumang si Danny Boy Urandoy nga taga Masbong, Malapatan, Sarangani Province, kansa gipatay mismo sa iyang panimalay sa duha ka mga suspetsadong gituohang mga miyembro sa bandido.
Nasayran nga posibleng tuyo sa mga nasangpit nga kuhaon ang kabayo sa biktima.
Nasayran nga ayha nahitabo ang pagpatay nangayo pa ug pagkaon ang mga suspek ngadto sa biktima.
Gani wala usay pagduha-duha si urandoy nga maghatag ug pagkaon sa duruha. Apan human sa panag-estorya tali sa biktima ug mga suspek didto na nahitabo ang krimen nga miresulta sa kamatayon ni Urandoy.
Matud sa anak sa biktima nga si Alvin, iyang nadunggan nga buot kuhaon sa mga suspek ang ilang kabayo apan nagdumili ang biktima mao nga ila kining gipusil.
Dugang pa ni Major Nicolas nga notado nang kawatan ug hayop ug kopras ang duha ka mga suspek nga mipatay sa biktima.
