GENERAL SANTOS CITY- Napatay sa operasyon sa kapolisan ang suspek nga nipusil patay sa retiradong pulis human nangilog og armas samtang nakasakay sa patrol car sa kapolisan sa Polomolok, South Cotabato.
Sa report gikan sa Polomolok Municipal Police Station, giila ang suspek nga si Norman Dangal y Ingid, 33 anyos og residente sa Sitio Abdul, Barangay Palian, Tupi, South Cotabato nga nag-atubang og kasong murder human nahimong suspek sa pagpusil patay sa retiradong pulis nga si Puyat Magalang Pasague niadtong July 9, 2017 sa Prk. Pinalin, Brgy. Bentung, Polomolok sa maong probinsya.
Nasayran nga niaging alas-4:20 sa hapon adlawng Martes gipatuman sa Polomolok ug Tupi Municipal Police Stations ang pag-served og arrest warrant batok sa suspek nga si Ingid didto sa iyang panimalay og malampuson kining nasikop.
Dihang gihatud na ang suspek paingon sa Polomolok sakay sa patrol car nga naglawig sa National Highway, Prk Maligaya 2, Brgy. Pagalungan, Polomolok nangilog matod pa kini og pusil sa police escort nga nakabutang sa holster apan napugngan sa pulis hinungdan nga kini gipusil igo sa iyang lawas.
Gidala sa Polomolok Municipal Hospital ang suspetsado apan gideklara kining dead on arrival sa attending physician.
Gitugyan ngadto sa SOCO ang mga balinis og emty shells sa 9mm caliber pistol nga narekober sa patrol car kung asa napusilan ang suspetsado.
Una nang nasayran nga ang suspek myembro sa Ansarul Kilafa Philippines Nilong Group nalambigit sa Robbery Holdup, Carnapping ug uban pang gun for hire activities.
For more info’s and updates, like and share our official facebook account : www.facebook.com/ifm91.9Gensanofficial/
[image: suspek napusilan.jpg]
