North Cocatabo – Giimbistigahan pa karon sa kapulisan ang nahitabong pagpang-ambush kang Libungan, North Cotabato Mayor Christopher “Amping” Cuan.
Una nang gibutyag sa mayor nga siya positibo nga siya gyud maoy target sa sniper nga sakay sa puti nga van nga gaatang matud pa atubangan sa Municipal Hall sa maong lungsod.
Nasayran nga igo lang migawas ang mayor sa Municipal hall dihang kalit mibuto ang pusil apan wala siya maigo sanglit ang usa ka Utility maoy naigo sa suspek.
Basi sa inisyal nga imbistigasyon sa kapulisan anaa sa 50-metros ang gilay-on sa sniper gikan sa nahimutangan ni mayor Cuan.
Ginasuta pa sa kapulisan kung may kalabutan sa politika ang insidenti samtang ginasuta pa kung si kinsa ang nagpaluyo niini.
Gipaniguro usab sa kapulisan nga magpabiling hugot nag seguridad sa kinatibuk-ang probinsya sa North Cotabato hilabi na nga nagkaduol na ang pagpahigayon ug plebisito alang sa Bangsamoro Organic Law karong Enero 21.
