South Cotabato–Karong adlawa ipasang-at sa kapulisan ang kasong homicide nga atubangon sa suspetsadong si Noel Fontanilla nga nanimuyo sa Sto.Niño, South Cotabato kansa maoy mituklod sa biktimang si Jonary Infante nga nagpuyo sa nasampit nga munisipyo ngadto na sa Main Canal sa NIA kung asa nalumos ang biktima ug napatay niadtong milabay nga adlaw.
Pagbutyag ni Police Captain Sherwin Panaguiton nga ilaha nang nahinabi ang pamailya sa biktima ug sumala pa niini nga desidido gayud sila nga mopasaka ug kaso batok sa suspek paghuman sa ilahang pag asikaso sa mga gikinahanglan sa napatay nilang miyembro sa pamilya.
Dugang saysay sa opisyal nga kumpleto na ang mga affidavit sa pamilya ug andam nang ipasang-at ang kaso sa korte ngadto na sa koronadal.
kahibaloan nga una nang nag-inom ang suspek ug ang biktima uban ang lain pa niining kaubanan daplin sa canal dihang nangahubog na naglalis matud pa ang duha ug wala nagkasinabot hinungdan nga gituklod sa suspek ang biktima ug nahulog sa canal ug nalumos patay. (Reynald Timario)
