Suspek nga nadakpan sa buy-bust operation mi-angkong gagamitan ug droga, apan pagpamaligya gihimakak

41
Handcuffs

General Santos City—Hugtanong gipanghimakak ni Jason Tolebas, 30 anyos, residente sa Purok 13-A, Barangay Fatima, Gensan kansa una nang nasikop sa gipahigayong buy-bust Operation sa area sa Fil-am Road, Barangay Fatima, Gensan nga siya namaligya ug iligal nga droga.

Matud niini nga siya nakurat sa dihang gisikop sa kapulisan ug giposasan dungan sa pagdeklara nga siya nadakpan sa buy-bust operation. Nahitabo ang pagdakop kaniya ala 1:00 ang takna sa hapon diin sumala pa sa kapulisan siya nakuhaan ug sachet sa gituohang shabu ug P500.00 nga marked money.


Giangkon usab sa suspek nga siya nagagamitan kaniadto ug iligal nga droga apan wala siya nagapamaligya niini. Dugang pa sa nasangpit nga ang iyang kauban mao matud pay posibleng target sa kapulisan apan siya natingala lang nga siya hinuon ang gidakop.

Gihingusgan usab niini nga dili iyaha ang gikaingong nakumpiska nga iligal nga droga. Natingala nalang kini dihang aduna nay gipakita nga gituohang shabu ang mga police nga matud pa nakuha gikan sa iyang posisyon.

Facebook Comments