Suspek nga nag-hold up sa isa ka babaye sa Brgy Dayao, nadakpan na!

261

Roxas City, Capiz – Nadakpan na sang mga kapulisan ang mga suspek nga nag-hold up sa 20- anyos nga si Melva Berbaño y Araw-araw sang nakaligad gab-i samtang yara sa Sitio Pagutok, Brgy Dayao, Roxas City.
Ginkilala ang mga suspek nga amu sanday Carlo Valencia y Lapides, 18-anyos; Dennis Cosca y Depol, 18-anyos nga lunsay mga residente sang Brgy Baybay roxas City.
Ginpahayag ni Lt Col. Ricardo Jumoad, hepe sang Roxas City PNP nga sa bulig sang intelligence sang kapulisan natigayon nga makilala ang mga suspek samtang ang isa sa mga ini ang padayon nga ginapangita.
Gin-imbitahan ang mga ini sang otoridad kag positibo nga ginkilala sang biktima nga amo ang naghold-up sa iya.
Sa madumdoman Natigayon nga makuha sa 20-anyos nga biktima ang sweldo sini nga 5, 300 pesos nga cash, ATM card kag iban nga personal nga kagamitan nga nabutang sa bag.
Suno sa imbestigasyon sang kapulisan, nagalakat ang amo nga biktima pauli na sa ila poluy-an sang ini ang ginbalabagan sang tatlo ka mga persona kun sa diin ang isa sa mga ini ang nagtaya sa iya sang patalom.

Facebook Comments