Gin-ako ni Rio Carmen, 30 anyos sang Barangay Agusipan, Badiangan, Iloilo ang iya nahimo nga krimen nga pagpatay sa iya 9 ka tuig nga bata sang Domingo sang gab-i.
Sa exclusive interview sang RMN Iloilo, ginpahayag ni Carmen nga antis natabu ang iya pagpatay sa bata, may nabasahan siya nga mensahe sa chat box sang iya facebook account nga nangin kabangdanan nga indi niya mahangpan ang iya ginabatyag tubtub iya gintabunan sang ulunan ang iya bata.
Suno kay Carmen nga iya pa gin-updan sa CR ang bata agud mangihi kag pagbalik sa kuwarto didto naglain ang iya pamatyag nga indi niya maintsindihan ang iya kaugalingon kabangdanan nga nahimo niya ang krimen.
nahibaluan nga yara sa ospital ang suspek matapos madisgrasya ini sa motorsiklo sang nagtuyo ini malagyo kasunod sang insidente.
