General Santos City–Giangkon sa motorist nga Jerald Tribunalo ang iyang salaod human nga iyang nabanggaan ang motorsiklo sa magtiayong silang si Evangeline Romanos ug Ronald Romanos nga gikamatay sa biktimang si Evangeline sa may National Highway nga sakop sa Barangay Maribulan, Alabel, Sarangani province.
Sumala ni Tribunalo nga wala gayud niya na bantayan nga adunay motor sa iyang unahan tungod kay hinay ang suga sa motorsiklo niini.
Samtang aminado ang suspek nga kusog ang iyahang padagan sa iyang motorsiklo tungod anaa man sila sa national highway. Samtang giangkon niini nga siya nakainum dihang nahitabo ang disgrasya.
Nasayran nga gikan namisita ang suspek ug pauli na kini sa ilang balay apan walay swerting siya nakabangga mao nga siya gikustudiya sa kapulisan.
Sa pikas bahin, gipaabot nalang sa bana nga si Ronald Romano ang disisyon sa kabanay sa iyang asawa kung pasakaan ba nila ug kaso ang nasangpit nga responsible.
Apan kung siya matud pa ang masunod buot niini nga ipapreso ang 17 anyos nga suspect tungod sa kawalay displina niini sa dalan nga miresulta sa kamatayon sa iyang asawa. (Dave Silagan)
