Suspek nga namatay sa operasyon sa kapulisan, top 1 most wanted sa Glan ug top 9 Most wanted sa PS2

26

General Santos City–Gikumperma ni Police Sr. Inspector Robert Fores, deputy Chief of Police sa Police Station 2 nga kumpermadong top 9 most wanted sa ilang area ug top 1 most wanted sa lungsod sa Glan, Sarangani Province ang suspek nga namatay sa gihimong Search Warrant Operation sa may KPS, Barangay Labangal nga si Rogelio Wata, 38 anyos nga taga Glan Sarangani Province.

Sumala ni Fores nga una nang nabalhog ang nasampit nga suspek sa ilang silda human nila kining masikop gumikan sa kasong pagpanulis, apan nakagawas ang nahisgutan human nakapyansa.

Kanhi na usab kining nasikop sa tropa sa Glan PNP tungod sa kasong Karnaping apan subli nga nakapyansa mao nga nakagawas sa prisohan. Human ilang nasayran nga anaa sa KPS, Barangay Labangal ang suspek, gilayon silang nag apply ug search warrant sa korte dayon gihimo ang operasyon, apan nisukol ang suspetsado mao nga napusilan sa kapulisan ug namatay.

Facebook Comments