General Santos City—Gikumperma ni Police Sr. Inspector Davis Vincent Dulawan, Hepe sa Police Station 5 nga si Faisar Giamat nga taga Barangay Bawing ning dakbayan kansa una nang napusilan patay sa pulis human nisuway ug sulod sa Rose Pharmacy sa Barangay Lagao usa sa mga suspek sa pagpatay kang PO3 Clark Bachoco, Chief Intel sa Police Station 5.
Sa pakighinabi sa Rmn Gensan News Team kang PSI Dulawan gibutyag niini nga usa ang pangalan ni Faisar sa migula sa ilang imbistigasyon nga mipatay kang Bachoco niadtong nakalabayng tuig.
Sumala pa nga si Giamat lambigit usab sa managlahing kaso sama nalang sa Frustrated Muder sa area sa Police Station 7, Murder sa Police Station 2 ug Police station 5 ug lambigit sab kini sa illegal drug activity ug pagpangawat dinhi sa dakbayan.
Dugang pagbutyag ni PSI Dulawan nga subay sa report, ayha gipatay si Bachoco sa area of responsibility sa Police Station 5 niadtong nakalabayng tuig, si Giamat maoy gi-survielance niini. Apan naunhan matud pa sa nahisgutan si Bachoco ug siya na nuon ang napatay sa suspek.
Kahinumduman nga una nang napatay si Giamat sa pulis nga sakop sa Police Station 3 human naabtan kini sa kapulisan nga iyang gibuslutan ang atol sa Rose Pharmacy aron unta sa pagpangawat.
