Suspek nga nasikop sa operasyon sa CPDEU-napasakaan na ug kaso

General Santos City– Comprehensive Dangerous Drugs Act of 2002 ang suspetsadong si Nilo Plabiano, 39 anyos usa ka habal-habal driver nga nanimuyo sa koronadal city human nga masikop kini sa gipahigayon nga operasyon sa mga sakop sa CPDEU niadtong milabay nga adlw.

Sumala pa ni Police Major Ruelito Lumiguid ang hepe sa CPDEU nga nasikop ang suspect human nga napalitan kini ug usa ka sachet sa gikatahapang shabu kung asa nakuha sa iyahang posisyon ang 4 ka mga sachet sa shabu ug ang mark money.

Dugang pa ni Lumiguid nga ang nahisgutang suspect ang bag-ohay lang nakagawas sa bilanguan niadtong milabay nga Mayo human nga mi-avail sa Plea Bargaining Agreement sa goberno tungod sa pagpamaligya gihapon niini ug iligal nga droga apan namonitor sa kapulisan nga subling mibalik sa pagpamaligya.


Dugang pa ni Major Lumiguid nga siguradong dili na gayud makagawas sa bilanguan ang nahisgutan suspect human siya nadakpan tungod kay gi-avail na niini ang programa sa gobyerno nga Plea Bargaining Agreement kung asa miangkon kini nga siya nagagamit ug nagapamaligya ug iligal nga droga.

Sumala pa nga basi sa guidelines sa maong programa nga ug subling masikop ang ni-avail niini subling ma-abrihan ang iyahang kaso ug madugangan man usab ang iyahang atubangon nga kaso.

Sa kasamtangan nagtingkagol ang nasangpit nga suspect sa selda sa Police Station 2. (Dave Silagan)

Facebook Comments