Tupi, South Cotabato–Mukabat sa siyam ka kabalayan ang naguba sa pag-igo sa kusog nga hangin dungan sa pagbundak sa makusog nga ulan sa Lungsod sa Tupi niadtong nakalabayng adlaw.
Subay sa tala sa South Cotabato Provincial Disaster Risk Reduction And Management Office, gawas sa siyam ka kabalayan ubay-ubayng punuan sa kahoy ang nangatumba samtang upat ka poste sa kuryente ug upat sab ka poste sa street light ang natumba gumikan sa maong kalamidad.
Sa pahayag sa mga residenti, unang mibundak ang kusog nga pag ulan ug gisundan sa kusog nga paghapak sa hangin nga maoy mikuso kuso sa kabalayan nga miresulta sa pagkaguba niini ug pagkatumba sa mga punuan sa kahoy ug poste.
Sa karon naghatag na ug inisyal nga ayuda ang lokal nga panggamhanan sa Tupi ngadto sa apektadong pamilya.
Samtang gipaniguro usab sa lokal nga panggamhanan sa Tupi nga makadawat ug pinansyal nga tabang ang mga apektadong nagub an ug balay human sa pag igo sa kalamidad sa maong lungsod.
