Suspek nga nidunggab patay sa mag-inahan gikasuhan

31

Davao City – Mag-atubang og 2 counts of murder ang usa ka lalaking suspek sa pagpatay sa iyang uyab ug anak niini sa Purok New Water Fall, Barangay Megcawayan, Calinan District ning atong syudad sa Davao.

Sa interbyu sa DXDC RMN Davao kang Police Major Arquiomedes Wesley, hepe sa Calinan PNP, giila niini ang suspek nga si Renuel Habillo, 32-anyos ug ang mga biktima mao sila Evelyn, 40-anyos, bulag sa bana ug 11 anyos nga anak niini, residente sa nahisgutang lugar.


Gisaysay ni Wesley nga pasado alas-11 sa gabii niadtong Miyerkules, November 6, 2019 sa dahing makigbulag si Evelyn kang Renuel human sa upat ka bulan nga relasyon diin pasangil sa suspek nga nakit-an niining adunay laing lalaking kauban ang biktima rason nga gitigbas niini si Evelyn ug gidamay pa ang anak sa biktima sa dihang kini misinggit hinungdan sa kamatayon sa mag-inahan.

Sa imbestigasyon sa kapulisan, negatibo sa droga ang suspek, dili usab hubog apan giingong nakainom kini ayha gihimo ang krimen.

Boluntaryong mi-surrender ang suspek sa barangay official human sa insidente ug ang unang bana sa biktima ang nahimong complainant ug miduso sa nahisgutang kaso.

RadyoMaN Kirby Manzon

Facebook Comments

From Advertisers