GENERAL SANTOS CITY- Nakatilaw og lampurnas gikan sa inahan sa Grade 10 student ang suspek sa pagpayuhot og iligal nga droga atoll sa anti-illegal drugs operation nga gilusad sa Tambler Police Station 5 niaging hapon.
Giila ni Police Major Richard YbaƱez, hepe sa nahisgutang presinto ang suspek sa pangalang Ryan Diaz, 36 anyos nga usa ka drayber.
Naglusad og operasyon ang kapolisan sa bilyaran sa Sta. Cruz, Brgy. Calumpang batok sa suspek nga nagresulta sa pagrekober sa gamayng pakete sa iligal nga droga ug ang marked money nga 500 pesos.
Gilimod usab sa suspek nga si Diaz ang alegasyon nga nalambigit kini sa ginadiling droga.
Takda usab nga mogawas sa nasud ang suspek paingon sa ubang nasud aron magtrabaho.
Apan nadiskubrehan nga una nang gireklamo ang suspek nga si Diaz og kasong pagpang-lugos og Grade 10 student.
Si alyas Meme, nagtungha sa pampublikong eskwelahan sa Calumpang ang mitug-an sa iyang subject teacher nga giamong-amongan siya sa suspek sukad pa kaniadtong bulan sa Oktubre.
Ulahing pagpanghilabot sa suspek didto sa biktima niadtong miaging adlaw pinaagi sa pagpanghilam.
Gitug-an sa teacher sa biktima ang panghitabo ngadto sa Women and Children Protection Desk sa presinto.
Sa karon, gikasuhan na ang suspek nga si Diaz og pagsupak sa Comprehensive Dangerous Drugs samtang ipasaka pinaagi sa regular filing ang kasong rape.
For more infoās and updates, like and share our official facebook account : www.facebook.com/ifm91.9Gensanofficial/
[image: suspek sa buybust.jpg]
