Suspek sa hit and run sa Brgy. Sabang, Surigao City nasang-atan na nan kaso
Nasang-atan na nan kasong Reckless Imprudence Resulting to Homicide an suspek sa kaso sa hit and run sa Brgy. Sabang, Surigao City na miresulta sa kamatayon sa 8 anyos na si Hershiey Lisondra.
Tagkilaya an suspek na si Sangguniang Bayan Member nan lungsod sa Tubod Rolando Madelo, 76 anyos. Nahimong basehan sa pagsang-at nan kaso an mga pamahayag sa nakasaksi na tagtudlo na si Madelo an ila nakit-an na nonaug sa driver’s seat sa dihang nahitabo an pagkadisgrasya, lakip an mga pulong na tagpadayag na “dayha sa hospital,” adisir pa ini mipadayagan sa sakyanan pasingod sa Brgy. Lipata, Surigao City.
Sa habig isab ni Madelo, tagpanhingusgan niini na an nagmaneho sa ija sakyanan amo an driver nila na si Naldo Bagas, 30 anyos ug netibo na taga-Bukidnon. Human sa aksidente an sumaya pa tag-uli ra an sakyanan ngadto sa ila panimayay sa Tubod ug miikyas ngadto sa waya kahibaw-i na direksiyon.
