ILOILO – Padayon pa nga ginapangita sang kapulisan sa banwa sang Cabatuan sa suspek nga naghold up sa isa ka collector sang isa ka lending company kahapon sang hapon sa nasambit nga banwa.
Suno kay Police Chief Inspector Sullen Domingo, hepe sang Cabatuan PNP, alas 2:21 sang natabu ang insidente sa Brgy. Inabasan samtang naga drive sang motorsiklo ang collector sang JLJ Lending nga may opisina sa Alta Tierra Jaro nga si Armel Redyn Omac 24, anyos kag residente sang Sumbak Kidapawan, City sang gin paparahan sang naka bonnet nga lalaki dala tutok sang short firearm.
Sa kahadlok sang biktima nagdulog ini kag ginkuha sang suspect ang iya bag nga may unod nga 5400 pesos nga gina patihan mga collection sini.
Pasimple lang nga naglakat ang suspect nga naka yellow sang t-shirt kag maong pants nga gina banta 26-28 years old nga may fair complexion.
Gilayon naman nga nagreport sa kapulisan ang biktima sa agud magpangayo sang bulig.
