General Santos City—sikop sa operatiba sa Malungon Municipal Police Station ang usa ka lalaking dunay kasong lugos sa ilang gihimong manhunt Charlie sa may Prk. Manahaw, Barangay Mainit, Malungon, Sarangani Province.
Ang suspek giilang si Alejandro Baliwan, 47, residenti sa samang barangay. Alas 10:00 ang takna sa buntag dihang gihimo ang operasyon batok sa suspek didto mismo sa ilang panimalay pinasikad sa Warrant of Arrest sa kasong Lugos nga dunay criminal case no. 5460-14 nga una nang gipagula ni Hon. Judge Oscar Noel sa Justice On Wheels, Sarangani Province.
Subay sa report sa Malungon Municipal Police Station nasayran nga dugay na usab nga gipangita sa kapulisan ang nahisgutang suspetsado human migawas ang warrant of arrest sa kasang iyang giatubang.
Hinuon wala man nagdumili ang suspek sa pag uban sa kapulisan dihang kini gisikop didto mismo sa ilang panimalay.
Sa kasamtangan, commitment order nalang ang gihuwat sa kapulisan aron nga kini mabalhin na ngadto sa Sarangani Provincial Jail.
