Davao City – Patay ang suspek nga nagpatay sa 6 anyos nga residente sa Matina Pangi, Davao City kapin usa ka bulan na ang milabay.
Napusilan sa mga sakop sa Talomo PNP ang suspek nga Rico Jay Labao, kinsa nag atubang og kaosng murder, sulod mismo sa detention cell human mangilog og pusil sa pulis sa Presinto Tres alas 9:30 sa kabuntagon.
Sumala ni Police Chief Inspector Ronald Lao nga naglusad og Oplan Galugad operation ang mga sakop sa kapulisan apan sa dihang girekisa sa mga pulis ang selda kalit nga nangilog ang suspek og pusil dayong gipabuto ngadto sa mga otoridad.
Matud ni Lao nga daling nakabalos ang iyang mga elemento rason nga naigo ang suspek sa nagkadaiyang parte sa kalawasan.
Daling gidala ang suspek sa Davao Adventist Hospital apan gideklara kining dead-on-arrival sa mga mananambal.
Gidugang ni Lao nga kung adunay pagduda ang pamilya sa napatay nga suspek andam mupailawom og imbestigasyon ang kapulisan ug ilang atubangon kun ugaling diskumpyado ang mga tagtungod.
RadyoMaN Erin Lumosbog
