Suspek sa ‘Night Market Investment Scam’ arestado sa NBI 11

Davao City – Gipresenta sa National Bureau of Investigation (NBI) Region 11 atol sa press conference ang nadakpang suspek sa alegasyong ‘Night Market Investment Scam’ diin sagad sa mga biktima niini mga pulis ug sakop sa Fraternal Order of Eagles Philippine Eagles.

Gibutyag ni Atty. Archie Albao, NBI 11 Regional Director nga anaa sa P20M na ang na-scam niini gikan sa 20 ka mga investors nga nidangop sa ilahang ahensya.

Sumala ni Albao, naaresto ang suspek pinaagi sa gilusad nga entrapment operation sa Bonifacio Street, ning syudad niadtong Lunes 7:51 sa gabie diin usa sa ang ilahang agent ang nagsilbing poseur investor sa kantidad nga P1M.

Sa imbestigasyon sa NBI 11, giingong anaa sa 40% ang interest sa i-invest nga kwarta sa maong negosyong night market.

Sumala kang Albao, ang minimum nga na-invest sa mga nabiktima niini anaa sa P200K samtang adunay mga complainants nga naka-invest og milyones.

Kasong Large Scale ug Sindicated Estafa ang ipasang-at nga mga kaso batok sa dinakpan.

Gisulayan usab sa media nga makuha ang kabahin sa suspek apan wala na kini mitingog.

RadyoMaN Aimee Guinita