Sa interbyu sa DXDC RMN Davao kang Lailanie Cabasag, inahan ni Angelica, gibutyag niini nga nakit-an sa Samar, Leyte ang anak niini sakay sa van nga padulong og Manila kauban ang usa ka lalaki nga edaran nga maoy suspek sa pagdala sa menor de edad.
Duda ang inahan nga ang lalaki maoy ka-chat ug nahimong uyab sa iyang anak pila na ka bulan ang nakalabay ug posibleng maoy nag-agni sa anak nga makigkita sa personal. Gibutyag usab niini nga wala kasab-i si Angelica sulod sa balay ug una kining higayon nga nilakaw nga nag-inusara.
“Mga last year, mga months na gyud siguro, naa koy na-kuan (nahibal-an) ana niya nga ka-chat niya. Unya nag-kuan man to siya ato nga iyahang uyab. Niana ko sa iyaha, okay lang mag uyab basta dili mag-meet. Syempre, kay naa ra man siya permente sa balay tapos pagmulakaw ko, kauban nako siya. Wala gyud ko nag-expect nga mo-meet siya,” saysay sa inahan.
Nakig-alayon na karon ang kapulisan sa Samar, Leyte ngadto sa Samal PNP aron mapapauli ang menor de edad ug manubag ang lalaki nga suspek sa pagdagit sa dalaga.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
