General Santos City— Malampusong nadakpan atol sa gipahigayong buybust operation sa hiniusang pwersa sa South Cotabato Intelligence Branch, Gensan City Intelligence Branch ug Polomolok Municpal Police Station ang suspek sa pagpamomba sa dakbayan.
Sumala kang Police Senior Superintendent Oliver Enmodias, Deputy Regional Director sa Police Regional Office 12 nga uman ang pagbusikad sa gensa, gilayong nagpahigayon ug hot pursuit operation ang kapulisan dala ang mga testigo.
Giila niini ang suspek nga si Jeffrey Panag Alonzo, 39 anyos nga residente sa Prk. 3, Brgy. Lapu Polomolok South Cotabato ug kumpirmadong miyembro sa Nilong Group nga break away sa ansar al khilafa philippines.
Dugang pamahayag ni Senior Superintendent Enmodias nga ubay-ubay na nga mga operasyon ang napahigayon sa nilong group sa probinsya sa South Cotabato partikular na sa Polomolok.
Kung asa kini ang miresulta sa kamatayon ni Benzaid Nilong nga suspek sa pagpatay kang PSI Hernan Gabat ug Mudz Nilong nga suspek sa pagpatay kang PO2 Charlie Leyva.
Pamahayag niini nga tanang anggulo ang ilahang ginatutukan apan mas gihatagan nila ug pagtagad ang posibleng land dispute.
Kalabot niini gibutyag ni Enmodias nga wala pa sila makakuha ug mas lalom nga mga impormasyon ngadto kang Alonzo apan gibutyag niini nga nalakip ini sa grupo human makapangasawa ug usa ka nilong.
Samtang si Alonzo matud pa ang positibong gitudlo sa testigo nga maoy misulod sa lying-in aron nga manguta kung adunay karne. Lahi usab ang suspek nga nagbilin ug ecobag nga maoy gisudlan sa bomba kung asa walo ang nahimong biktima.
