General Santos City–Gipasakaan na og kasong paglapas sa RA 9165 ang suspetsadong si Jeffrey Alonzo nga taga Barangay Lapu, Polomolok, South Cotabato human nasikop sa kapolisan sa buy bust operation niadtong milabayng mga adlaw. Kini ang nahimong pamahayag ni Police Chief Inspector Alex Orcajada, Hepe sa Polomolok Municipal Police Station human nahinabi sa RMN Gensan.
Gikumpirma usab ni PCI Orcajada nga anaa pa gihapon sa ilang custodiya ang maong suspek.
Nasayran nga si Alonzo mao usab ang gitudlo sa mga witnesses nga maoy responsible sa nahitabong pagbusikad sa usa ka IED gawas nga bahin sa usa ka lying inn center sa Barangay Apopong, Gensan.
Samtang kabahin usab sa reaksyon sa pamilya sa suspek nga wala matud kalabutan ang nahisgutan og layo ra usab ang nawong niini kumpara sa gipagawas nga hulagway sa kapolisan .
Asoy ni Orcajada nga normal lang matud pa ang nahimong reakasyon sa pamilya kini gumikan kay ang polis nagbase lang matud pa sa mga testigo nga nakakita sa panghitabo .Satang gipaklaro usab sa maong opisyal nga nagadepende kini sa desisyon sa korte kung asa kini ipreso ang suspek. (Reynald Timario)
