Guipos,Zamboanga del Sur – Gipasakaan na og kasong murder ang 33 anyos
nga lalaki nga suspek sa pagpusil patay sa barangay kagawad sa Barangay
Sikatuna, Guipos, Zamboanga del Sur.
Kini ang gikompirma ni PCI Simplicio Pasaol Jr. ang hepe sa kapulisan sa
lungsod sa Guipos, nga kasong murder ang giatubang sa suspek nga nailang
si Jerson Reyes human kining nitahan sa kapitan sa Barangay Sikatuna.
Sa imbestigasyon nasayran nga redo ang motibo sa maong pagpamusil nga
nahitabo alas 9 sa gabii diin sa impormasyon nga nahipos sa RMN Pagadian
nga samtang nagpaingon sa balay sa suspek si Kagawad Mario Bustamante
nga armado usab sa armas kauban ang nagngalang si Francisco Reyes
nakamatikod ang suspek nga si Jerson Reyes rason nga mikuha kini sa
iyang improvised shotgun og nipusil punting ngadto sa kagawad.
Gikonsedira na sa kapulisan sa lungsod sa Guipos nga sulbad na ang maong
kaso human boluntaryo nga nihatan ang suspek nga karun gipaslak na sa
Guipos Municipal Police Station lock up cell.
