General Santos City—naghimo na ug makuting imbistigasyon ang Malungon Municipal Police Station kalabutan sa nahitabong pagpamusil patay sa usa ka Negusyante ug Buy and sell ug mais nga si Rezt Mediodia, 47 anyos, ug residente sa Barangay Acmonan, Tupi, South Cotabato.
Kahinumduman nga una nang gipusil ang nasangpit nga biktima udto niadtong domingo sa may waiting shed sa sentrong bahin sa lungsod sa duha ka tawong nakamotorsiklo.
Nasayran nga kalit lang giduolan sa mga suspek ang biktima ug gipusil pila ka higayon nga nahimong hinungdan sa iyang kamatayon. Wala na madala pa sa ospital ang nasangpit tungod nakabsan gilayon kini sa iyang kinabuhi.
Sa kasamtangan ginasuta pa ang motibo sa krimen ug usa s amga ginatan-aw kung may kalabutan ba sa negusyo niini ang hinungdan sa pagpatay. Samtang wala usab ginabaliwala sa otoridad ang uban pang anggulo nga posibling motibo sa pagpusil sa biktima.
