Suspek sa pagpang-hostage, detinado na sa Puerto Police Station

216
PC: RadyoMaN Lovelyrose Sambaan and RadyoMaN Jappy Jamero

Detinado karon sa Puerto Police Station ang 32 anyos nga si Richard Roque human niini gi-hostage ang iyang kaipon nga si Marissa Cruz sulod sa ilang balay sa Zone-6, Kalye Apiki, Barangay Bugo ning syudad kaganinang buntag.

 

Gibutyag ni Police Chief Insp. Evan Viñas ang Hepe sa Puerto Police Station nga ikaduha na kining pagpang-hostage nga gihimo sa suspek kung asa unang gi-hostage niini niadtong nakalabayng mga tuig mao ang iyang nuebe anyos nga anak.

 

Nasayran nga nadaot ang utok ni Roque human kini naadik sa ginadiling druga, gani na-rehab kini sulod sa Lumbia City Jail apan nakagawas human ang unom ka bulan, human namaayo kini sa gimintinar nga tambal.

 

Apan dihang wala na kini makainum sa maintenance nga tambal, mibalik ang sakit sa utok sa maong suspek nga miresulta sa pagpang-hostage sa iyang kaipon nga sama matud pa kaniya nga aduna usab problema sa panghuna-huna.

 

Tungod sa kanipis sa dingding sa balay sa suspek,  hinungdang giambakan kini sa kapolisan ug sa kataranta.

Facebook Comments